२०८१ फागुन ११ आइतबार
चित्र बुढा मगर
२०८० कार्तिक १७ गते बारेकोट रामिडाँडालाई केन्द्र विन्दु बनाएर गएको भूकम्पकाे बिस्तृत क्षति आँकलन (DDA) कार्य आज शुरु भएको छ ।
भुकम्पकाे बिस्तृत क्षति आँकलन (DDA) गर्न का लागि राष्ट्रिय विपद जाेखिम न्यूनिकरण तथा व्यवस्थापन प्राधिकरण र UNDP काे सहकार्यमा बारेकाेट गाउँपालिकाकाे लागि ८ जना ईन्जिनियरकाे टोलीलाई खटाइएको छ । आज बारेकोट गाउँपालिका १ नं वडा वयाल र २ नं वडा लिम्सा देखि DDA कार्य शुरु भएको छ। DDA कार्य सम्पन्न पछि त्यसै आधारमा सरकारले पुनः निर्माणका घरहरु दिने प्रक्रिया अगाडि बढाउने लक्ष्यका साथ DDA कार्य शुरु गरिएको हो ।
। DDA गर्दा क्षति भएको घरको घरमुली अनिवार्य उपस्थिति हुनुपर्ने देखिन्छ। क्षति भएको घर, नेपाली नागरिकता तथा उक्त व्यक्तिको पारिवारिक अवस्था, आर्थिक अवस्था, शैक्षिक अवस्था , पेशा, रोजगार लगायत थुपै विवरणहरु लिने गरिएको छ। एक जना क्षति भएको घरको विवरण लिन झण्डै आदि घण्टा सम्म समय लागिरहेको छ ।
UNDP ले पठाएको इन्जिनियर टोली दुईवटा ग्रुपमा बिभाजन भइ बारेकोटका १ र २ नं. वडामा आज देखि धमाधम खटिएका छन् । साथै बारेकोट गाउँपालिका अध्यक्ष वीर बहादुर गिरी ज्यू सहित पालिकाको टोली र सम्बन्धित वडाको जनप्रतिनिधि पनि अनुगमन तथा सहजीकरणका लागि सम्बन्धित कार्यस्थलमा खटिनु भएको छ ।
