जाजरकोट / देशभर सुनचाँदी व्यवसायी संघहरू आन्दोलित भइरहेका बेला जाजरकोटको खलंगामा पनि व्यवसायीहरूले सरकारको नीति तथा करप्रणालीको विरोधमा प्रदर्शन गरेका छन्।
सरकारले सुनमा लगाएको २ प्रतिशत कर, बहुमूल्य पत्थर हिरामा १३ प्रतिशत मूल्य अभिवृद्धि कर (भ्याट), सुनको भन्सार दर ६ प्रतिशत कायम गर्नुपर्ने, र सुनचाँदी कारोबारका लागि स्पष्ट नीति तथा नियमावली निर्माण गर्नुपर्ने मागसहित संघले देशभर चरणबद्ध आन्दोलन गरिरहेको छ।
यही सन्दर्भमा जाजरकोट खलंगामा बुधबार मोटरसाइकल र्याली निकालिएको सुन चाँदी व्यवसायीहरुले बताएका छन् ।
